یہ بات محسن رضائی پور نے بدھ کے روز گفتگو کرتے ہوئے کہی۔
انہوں نے کہا کہ حالیہ پانچ مہینوں کے اندر جنوب مشرقی ایشیائی ممالک ایسوسی ایشن (ASEAN) کو ایرانی برآمدات 48 فیصد اضافے کے ساتھ 1 ارب 76 ملین ڈالر تک پہنچ گئیں۔
اقتصادی یونین کے 10 رکن ممالک میں تھائی لینڈ کو ایرانی برآمدات میں پہلی پوزیشن حاصل ہے ، جس برآمدات کی شرح پچھلے سال کی اسی مدت کے مقابلے میں 88فیصد اضافہ ہے۔
کسٹم کے تازہ ترین اعلان کے مطابق اس سال کے پہلے پانچ ماہ میں ایران کی کل غیر ملکی تجارت 59 ملین اور 300 ہزار ٹن تک پہنچ گئی ہے جس کی مالیت 34 بلین ڈالر ہے۔
جنوبی ایشیائی اقوام کی تنظیم "آسیان" جنوب مشرقی ایشیا کے 10 ممالک کی قائم کردہ سیاسی و اقتصادی انجمن ہے جو دسمبر 1967ء کو انڈونیشیا، ملائشیا، فلپائن، سنگاپور اور تھائی لینڈ نے مل کر قائم کی.
اس تنظیم کے قیام کا مقصد جہاں اشتراکیت کے ویت نام سے آگے پھیلاؤ کو روکنے کے لیے متحد ہونا تھا تو دوسری طرف اقتصادی، سماجی اور ثقافتی میدانوں میں رکن ممالک کو ترقی دینا اور علاقائی امن کی ترویج بھی تھا.
آسیان 5 ممالک فلپائن، انڈونیشیا، ملائشیا، سنگاپور اور تھائی لینڈ نے قائم کی . برونائی نے 8 جنوری 1984ء کو برطانیہ سے آزادی حاصل کرنے کے 6 روز بعد تنظیم میں شمولیت اختیار کی.
ویت نام، لاؤس اور میانمار بعد میں تنظیم میں شامل ہوئے، ویت نام 28 جولائی 1995ء اور لاؤس اور میانمار 23 جولائی 1997ء کو آسیان کے رکن بنے، کمبوڈیا 30 اپریل 1999ء کو تنظیم کا آخری رکن قرار پایا.
اس ٹوئٹر لینک پر فالو کیجئے. IrnaUrdu@
https://twitter.com/IRNAURDU1
آپ کا تبصرہ